Átta rannsóknarverkefni hlutu nýverið styrk úr nýjum Rannsóknasjóði Háskólans í Reykjavík. Markmið með sjóðnum er að styrkja öflugt rannsóknarstarf við skólann. Heildarupphæð styrkjana er 42.720.000 kr. og er hver styrkur af svipaðri stærð og styrkir Rannsóknarsjóðs Vísinda- og tækniráðs til doktorsnema 2018. Styrkirnir eru veittir til eins árs í senn.
Verkefnin sem hlutu styrk eru eftirtalin:
- Geðheilsa kvenna á meðgöngu og áhrif þess á þroska barna sinna
- Heilahristingur meðal íslenskra íþróttamanna: Nýgengi, vanstarfsemi í heiladingli og geðræn heilsa
- Opin vandamál í jöfnurökfræði ferla
- Þróun og árangursmat á hugrænni atferlismeðferð við starfrænum einkennum sem skerða vinnugetu
- Orkusamband ESB - áhrif á íslenskan orkurétt
- Greining á Shubnikov-de Haas sveiflum í tvívíðu rafeindagasi með spuna-brautar og Zeeman víxlverkun
- Hitarafstraumsflutningur í kjarnaskeljarnanóvírar
- Majorana ástönd í kjarnaskeljarnanóvírar