*

sunnudagur, 18. nóvember 2018
Fólk 13. júní 2018 08:43

Hrafnhildur stýrir áfram LÍN

Framkvæmdastjóri Lánasjóðs íslenskra námsmanna, Hrafnhildur Ásta Þorvaldsdóttir, hefur verið endurskipuð.

Ritstjórn
Hrafnhildur Ásta Þorvaldsdóttir er framkvæmdastjóri LÍN.

Hrafnhildur Ásta Þorvaldsdóttir hefur verið endurskipuð í embætti framkvæmdastjóra Lánasjóðs íslenskra námsmanna.

Nú stendur yfir endurskoðun á lögum um Lánasjóð íslenskra námsmanna og skipuð hefur verið verkefnastjórn, sem Gunnar Ólafur Haraldsson hagfræðingur veitir forstöðu.

Hún hefur það hlutverk að skoða íslenska námslánakerfið í heild sinni og gera tillögur að umbótum þess og þróun. Búast má við upplýsingum um fyrstu áform verkefnastjórnarinnar nú í sumar segir í tilkynningu á vef Stjórnarráðsins.

Lánþegar Lánasjóðs íslenskra námsmanna eru um 7.000 talsins en meginhlutverk sjóðsins er að tryggja þeim sem falla undir lög hans tækifæri til náms án tillits til efnahags.