*

föstudagur, 24. maí 2019
Erlent 10. maí 2019 07:09

Huges vill brjóta upp Facebook

Chris Huges, sem stofnaði Facebook ásamt Zuckerberg, segir að fyrirtækið sé orðið of valdamikið.

Ritstjórn
Chris Huges segir fyrrum félaga sinn, Mark Zuckerbergar, vera valdamesta mann Bandaríkjanna.
epa

Chris Huges birti langa grein í New York Times í gær þar sem hann færir rök fyrir því að Facebook, sem hann stofnaði ásamt Mark Zukerberg, verði brotið upp í nokkur minni fyrirtæki. Að mati Huges er Facebook orðið svo valdamikið að lýðræðinu stafi ógn af fyrirtækinu í óbreyttri mynd. 

Huges leggur til að bandaríska samkeppniseftirlitið og dómsmálaráðuneytið ógildi yfirtöku Facebook á Instagram og WhatsApp og banni félaginu að gera fleiri yfirtökur í nokkur ár. Hann segir það stærstu misttök samkeppniseftirlitsins að hafa heimilað Facebook að eignast þessi fyrirtæki. Fyrir vikið sé Zuckerberger nú valdamesti maður Bandaríkjanna og enginn stjórnmálamaður, fyrirtæki eða hagsmunasamtök komist með tærnar þar sem hann hafi hælana. Zuckerbergar geti ráðið úrslitum kosninga með því að hagræða algóriðum miðla sinna án þess að nokkur fái hönd við reist. 

Talsmaður Facebook, Nick Clegg, svaraði greininni í gær þar sem hann hafnaði niðurstöðu Huges og gagnrýndi málflutning hans. Clegg tók undir að velgengni Facebook þýddi að ábyrgð félagsins væri mikil. Það væri hins vegar rangt að brjóta fyrirtækið upp í minni einingar til þess að tryggja að það gangist við ábyrgðinni. 

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim