*

föstudagur, 19. janúar 2018
Innlent 12. janúar 2018 13:45

Húsnæðisliðurinn sífellt hærri

Útgjöld heimilanna vegna húsnæðis hafa hækkað úr 17,3% af vísitölu neysluverðs í 32,5% á tuttugu árum.

Ritstjórn
Haraldur Guðjónsson

Þegar skoðaðar eru breytingar í vægi í vísitölu neysluverðs (VNV) síðustu 20 ár sést að stærstu breytingarnar snúa, auk húsnæðis, að hlutfalli matar og drykkjar í útgjöldum heimilanna. Útgjöld heimilanna vegna húsnæðis vega sífellt þyngra í vísitölunni, fóru úr 17,3% 1997 í tæp 32,5% 2017 að því er kemur fram í nýrri skýrslu Samtaka verslunar og þjónustu.

Þetta sést þegar VNV er borin saman milli marsmánaða árin 1997 og 2017. Í marsmánuði árið 1997 vó matur og drykkur 17,05% í vísitölunni en var komin niður í 13,49% í marsmánuði 2017. Athyglisvert er að föt og skór hafa aldrei vegið jafn lítið frá því að núverandi aðferðafræði var tekin upp fyrir 25 árum síðan. Í marsmánuði árið 1997 vógu föt og skór 6,5% í vísitölunni en voru komin niður í 3,76% í marsmánuði árið 2017.