Úrvalsvísitala kauphallarinnar hækkaði um 0,95% í viðskiptum dagsins.
Eins og Viðskiptablaðið greindi frá þá hækkaði gengi Arion banka á fyrsta viðskiptadegi bréfa bankans í kauphöllinni.
Mest hækkaði verð á hlutabréfum í Icelandair eða um 2,36%. Næst mest hækkun var á bréfum Skeljungs eða 1,77% hækkun.
Eins og undanfarna daga var mest velta með bréf Marels en hún var 696 milljónir króna. Heildarveltan í kauphöllinni í dag nam rétt rúmum 2,3 milljörðum króna.