Verð á hlutabréfum í Icelandair lækkaði um 17,26% í 474 milljóna króna viðskiptum í Kauphöllinni í dag.
Í gærkvöldi var greint frá því að Björgólfur Jóhannsson hefði hætt sem forstjóri félagsins. Kom afsögnin í kjölfar afkomuspá sem félagið sendi frá sér en samkvæmt henni var hún lækkuð um 30%.
Þá lækkaði einnig verð á hlutabréfum í Reitum eða um 0,99% í 404 milljóna króna viðskiptum.
Heildarvelta í Kauphöllinni í dag nam 2.542 milljónum króna en mest velta var með bréf í Icelandair og Reitum.
Íslenska úrvalsvísitalan lækkaði um 2,33% í viðskiptum dagsins.