Gengi hlutabréfa Icelandair Group hefur lækkað um ríflega 20% í fyrstu viðskiptum dagsins. Kemur lækkunin í kjölfarið á því að félagið lækkaði afkomuspá sína fyrir árið í annað sinn í gærkvöldi. Á sama tíma lét Björgólfur Jóhannsson af störfum sem forstjóri félagsins.

Þegar þetta er skrifað stendur gengi bréfanna í 6,7 krónum á hlut og hefur ekki verið lægra frá því í júlí 2012.