Verð á hlutabréfum í Icelandair lækkaði um 3,05% í 106 milljóna króna viðskiptum í Kauphöllinni í dag. Næst mest lækkun var á verði á hlutabréfum í Eimskip en það lækkaði um 1,23% í 47 milljóna króna viðskiptum.
Skeljungur hækkaði mest í Kauphöllinni í dag eða um 1,80% í 191 milljóna króna viðskiptum. Sjóvá hækkaði næstmest eða um 1,41% í 132 milljóna króna viðskiptum.
Heildarveltan í Kauphöllinni nam 2 milljörðum króna, þar af var mest velta með bréf í Högum eða 420 milljónir króna.
Þá lækkaði Íslenska úrvalsvísitalan um 0,17% í viðskiptum dagsins.
