*

föstudagur, 26. apríl 2019
Innlent 19. mars 2019 13:28

Iðnaðarmenn slíta viðræðum við SA

Talsmaður iðnaðarmanna segir að auka þurfi þrýsting á atvinnurekendur, en vinnutíminn er meðal deilumálanna.

Ritstjórn
Kristján Þórður Snæbjarnarson er talsmaður félaga iðnaðarmanna sem eru í samfloti í kjaraviðræðunum við Samtök atvinnulífsins.

Félög iðnaðarmanna hafa slitið kjarasamningum við Samtök atvinnulífsins og segir Kristján Þórður Snæbjarnarson talsmaður þeirra að nú hefjist undirbúningur fyrir verkfallsaðgerðir að því er RÚV segir frá.

Eins og kom fram í fréttum í gær slitu Starfsgreinarsambandið sínum viðræðum við SA, en í dag kom fram að ástæðan væri að stórum hluta vegna tillagna um breytingar á neysluhléum, dagvinnutíma og yfirvinnu.

„Við teljum að það þurfi að auka þrýsting á viðsemjendur okkar til að komast lengra,“ segir Kristján Þórður sem vill ekki upplýsa um deilumálin í smáatriðum, þó m.a. sé það vinnutíminn.

„Við mátum bara hvernig staðan er fram undan hjá okkur og það var niðurstaðan að það var bókaður árangurslaus fundur hjá sáttasemjara. Það þýðir að viðræður slitna á þessum tímapunkti.“

Ná þarf lendingu á skömmum tíma

Halldór Benjamín Þorbergsson framkvæmdastjóri SA segir sama takt hafa verið á viðræðunum við SGS og iðnaðarmenn, en um var að ræða áttunda sáttafundinn við iðnaðarmenn frá því að viðræðurnar hófust í nóvember.

„Staðan er auðvitað orðin grafalvarleg og það er öllum augljóst sem með þessu fylgjast að við þurfum að ná lendingu í þetta mál á breiðum grunni gagnvart öllum almenna vinnumarkaðnum á tiltölulega skömmum tíma ef ekki á illa að fara,“ segir Halldór Benjamín sem vill heldur ekki upplýsa í hverju ágreiningurinn sé fólginn.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim