*

sunnudagur, 18. nóvember 2018
Innlent 9. október 2017 19:20

IKEA opnar minni verslanir í miðborgum

IKEA mun einnig bjóða vörur sínar til sölu á vefsíðum annarra fyrirtækja. Líklegt er að Alibaba og Amazon verði fyrir valinu.

Ritstjórn

Sænski verlanarisinn IKEA mun bjóða húsgögn sín til sölu á vefsíðum þriðju aðlia og hyggst opna minni verslanir en tíðkast hefur. Verslanirnar verða smærri í sniðum en þær sem fólk hefur átt að venjast í útjöðrum margra borga, en verslanirnar verða miðsvæðis. Ekki hefur verið gefið út á hvaða síðum hægt verður að kaupa vörur IKEA eða í hvaða borgum litlu verslanirnar verða.

Í frétt á vef BBC er því hins vegar velt upp að síður á borð við Amazon og Alibaba séu líklegar til að verða fyrir valinu. Stjórnandi hjá IKEA í Svíþjóð segir breytinguna vera eina þá stærstu frá því fyrirtækið hóf rekstur.

IKEA rekur 403 verslanir á heimsvísu og stefnir að opnun 22 til viðbótar á næsta ári.