*

fimmtudagur, 14. desember 2017
Innlent 22. nóvember 2017 13:24

ÍNN tekið til gjaldþrotaskipta

Daginn áður en útsendingum sjónvarpsstöðvarinnar var hætt var félagið tekið til gjaldþrotaskipta.

Ritstjórn
Oft var gaman á skjánum hjá Yngva Hrafni Jónssyni, fyrrverandi sjónvarpsstjóra og þáttastjórnanda á ÍNN

Héraðsdómur Reykjavíkur hefur úrskurðað sjónvarpsstöðina ÍNN-Íslands Nýjasta Nýtt ehf. í gjaldþrotaskipti, en eins og Viðskiptablaðið sagði frá var útsendingum stöðvarinnar hætt í síðustu viku.

Félagið, sem var lengi vel rekið af Ingva Hrafni Jónssyni, sem sá um sjónvarpsþáttinn Hrafnaþing, hafði skipt tvisvar um eigendur á um einu ári, fyrst keypti Pressan undir forystu Björns Inga Hrafnssonar fjölmiðilinn, en síðan keypti Frjáls fjölmiðlun félagið.

Úrskurður héraðsdóms var kveðinn upp miðvikudaginn 15. nóvember síðastliðinn, daginn áður en tilkynnt var um að útsendingum yrði hætt. Tómas Jónsson héraðsdómslögmaður hefur verið skipaður skiptastjóri yfir búinu.