*

miðvikudagur, 24. apríl 2019
Innlent 16. apríl 2018 12:13

Ísland aðeins tekið upp 13% ESB gerða

Ísland stendur sig einna verst í innleiðingu EES gerða, en utanríkisráðuneytið leggur meðal annars til auka bolmagn sendiráðsins í Brussel.

Ritstjórn
Styrking sendiráðsins í Brussel mun án efa nýtast stjórnsýslunni og Alþingi og stuðla að bættum árangri í upptöku og innleiðingu EES-gerða, samkvæmt skýrslunni.
Aðsend mynd

Íslendingar tóku upp 9.028 EES gerðir á árunum 1994-2016 þegar samningurinn tók gildi. Á tímabilinu hefur fjöldi ESB gerða hins vegar verið 67.158 og því hafa aðeins 13,4% af gerðum ESB verið teknar upp í EES.

Þetta er meðal þess sem fram kemur í skýrslu utanríkisráðuneytisins, Gengið til góðs - skref í átt að bættri framkvæmd EES-samningsins. Þar segir einnig að það hafi byrjað að síga á ógæfuhliðina í framkvæmd EES-samningsins þegar Ísland sótti um aðild að ESB. 

Ísland hefur að jafnaði staðið sig verst í að innleiða EES gerðir af EFTA ríkjunum og er með langmestan fjölda samningsbrotamála. Á undanförnum árum hefur frammistaðan þó batnað nokkuð því svokallaður innleiðingarhalli hefur lækkað úr 3,2% árið 2013 of niður í 1,8% í apríl 2018. Innleiðingarhallinn mælir fjölda þeirra gerða sem við höfum ekki innleitt á réttum tíma í hlutfalli við heildarfjölda gerða sem EFTA ríkin hafa skuldbundið sig til þess að innleiða. 

Á undanförnum árum hefur hlutfall ESB gerða sem teknar eru upp í EES samninginn aukist. Þannig hefur hlutfall ESB gerða sem teknar hafa verið upp í EES verið 22,5% á undanförnum 5 árum samanborið við 13,4% yfir allt tímabilið 1994-2016. Alþjóðamálastofnun hélt því fram árið 2014 að hlutfallið væri nær tveimur þriðju. 

Þá er í skýrslunni farið yfir úrræði til þess að draga frekar úr innleiðingarhalla Íslands á gerðum EES:

  • Auka þarf bolmagn sendiráðs Íslands í Brussel
  • Ríkisstjórn mun leggja til við Alþingi sérstakar fjárveitingar á fjárlögum til að standa straum af aukinni þátttöku íslenska ríkisins í EES-ferlinu næstu árin. Þannig verði tryggt að öll ráðuneyti eigi fulltrúa í sendiráðinu í Brussel og skrifstofa Alþingis ef fyrir því er vilji. Jafnframt verði sérstakur stuðningur við ráðuneyti til að tryggja tímanlega innleiðingu EES-gerða framlengdur
  • Ráðuneytisstjórar forsætisráðuneytisins og utanríkisráðuneytisins munu taka að sér það hlutverk að vera tilsjónarmenn með framkvæmd EES-samningsins innan stjórnsýslunnar
  • Stýrihópur um framkvæmd EES verður festur í sessi
  • Starfslýsing verður tekin saman fyrir EES-starfseiningu utanríkisráðuneytisins
  • Tryggt verður að EES-starfseiningu utanríkisráðuneytisins haldist til lengri tíma á starfsfólki með reynslu og sérþekkingu í málefnum EES
  • Opnað verður fyrir aðgang Alþingis og hagsmunaaðila að EES-gagnagrunninum sem reynst hefur mjög mikilvægt vinnutæki stjórnsýslunnar
  • Áætlun verður mótuð um almenna kynningu EES-samningsins, sem taki mið af hagsmunum Íslands af aðildinni að honum til lengri tíma litið
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim