*

miðvikudagur, 21. nóvember 2018
Innlent 3. nóvember 2016 12:15

Ísland aðili að samningi WTO um viðskiptaliprun

Ísland var 96. aðildarríkið til að gerast aðili að samningi WTO um viðskiptaliprun sem ætlað er að stuðla að aukinni skilvirkni við tollaframkvæmd.

Ritstjórn
Högni S. Kristjánsson og Roberto Azevêdo aðalframkvæmdastjóri WTO ©WTO

Ísland gerðist nýlega aðili að samningi Alþjóðafríverslunarstofnaninnar, WTO, um viðskiptaliprun. Þetta kemur fram í frétt á vef WTO.

„Samningnum um viðskiptaliprun er ætlað að stuðla að aukinni skilvirkni og hraða við tollframkvæmd, þ.m.t. tollafgreiðslu. Þessu markmiði skal ná með greiða fyrir samvinnu á milli tollayfirvalda og annara yfirvalda sem fara með málefni tengd framkvæmd samningsins,“ segir í tilkynningunni frá Fjármála- og efnahagsráðuneytinu.

Bókunin öðlast þó ekki gildi fyrr en tveir þriðju af aðildarríkjum WTO samþykkt hana og Ísland er 96. aðildarríkið til að samþykkja hana. Alls þurfa 110 ríki að samþykkja hana til þess að hún taki gildi. Meðal þeirra sem þegar hafa samþykkt bókunina eru aðildar ríki Evrópusambandsins, Noregur, Sviss, Liechtenstein, Bandaríkin, Ástralía, Japan, Hong Kong og Kína.

Stikkorð: Ísland tollar WTO viðskiptaliprun