*

þriðjudagur, 23. apríl 2019
Innlent 15. júní 2017 11:39

Ísland fimmta í röð Evrópuríkja

Magn vergrar landsframleiðslu á mann á Íslandi var 29% yfir meðaltali Evrópusambandsríkjanna og var fimmta sæti í röð 37 Evrópuríkja.

Ritstjórn
Haraldur Guðjónsson

Magn vergrar landsframleiðslu á mann á Íslandi árið 2016 var 29% yfir meðaltali Evrópusambandsríkjanna 28. Ísland var fimmta sæti í röð 37 Evrópuríkja (Evrópusambandsríkjanna auk Íslands, Noregs, Sviss, Tyrklands, Svartfjallalands, Serbíu, Bosníu-Hersegóvínu, Albaníu og Makedóníu). 

Magn vergrar landsframleiðslu á mann árið 2016 var hæst í Lúxemborg 167% yfir meðaltali ESB ríkja en þar á eftir kom Írland þar sem verg landsframleiðsla á mann var 77% yfir meðaltali ESB ríkja. Lúxemborg sker sig úr hópnum en líta verður til þess að fjöldi fólks vinnur og verslar í landinu og leggur til landsframleiðslunnar, en býr utan þess og telst því ekki til íbúa.

Magn einstaklingsbundinnar neyslu á mann var 14% yfir meðaltali ESB ríkja samkvæmt sömu tölum. Þar var Ísland í áttunda sæti í röð landanna 37 og enn var Lúxemborg í fyrsta sæti og var 32% yfir meðaltali ESB ríkjanna. Hægt er að kynna sér málið betur með því að skoða frétt Hagstofu Íslands.

Heimild: Hagstofa Íslands.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim