*

mánudagur, 19. nóvember 2018
Innlent 9. júlí 2017 10:45

Íslendingar ferðast sem aldrei fyrr

Íslendingar voru sérstaklega ferðaglaðir í júní sem leið en þá innrituðu 62.234 sig í flug frá Keflavíkurflugvelli.

Ritstjórn
Haraldur Guðjónsson

Íslendingar voru sérstaklega ferðaglaðir í júní sem leið en þá innrituðu 62.234 landsmenn sig í flug frá Keflavíkurflugvelli. Um er að ræða met-mánuð, ef frá er talinn júnímánuður í fyrra þar sem þjóðin fjölmennti á Evrópukeppnina í Frakklandi, en þá flugu rúmlega 67.000 manns erlendis frá vellinum. Frá þessu er greint inn á vefnum turisti.is. 

Síðustu þrír mánuðir eru allir á lista yfir þau tímabil þar sem fjöldi ferða hefur verið mestur og ferðametin sem sett voru á árunum fyrir hrun falla nú eitt af öðru.

Á fyrri helmingi ársins flugu samanlagt um 290 þúsund íslenskir farþegar út í heim frá Keflavíkurflugvelli og hafa þeir aldrei verið fleiri. Spilar sterkt gengi krónunnar og mikið framboð á ferðum úr landi vafalítið stórt hlutverk í þróuninni.