*

miðvikudagur, 20. mars 2019
Erlent 10. janúar 2019 19:21

Jaguar Land Rover dregur saman seglin

Bílaframleiðandinn Jagur Land Rover (JLR) hefur staðfest að það muni segja upp 4.500 starfsmönnum.

Ritstjórn
Ralf Speth, forstjóri Jaguar Land Rover
epa

Bílaframleiðandinn Jaguar Land Rover (JLR) hefur staðfest að það muni segja upp 4.500 starfsmönnum, en megnið af þeim starfsmönnum munu verða starfsmenn fyrirtækisins í Bretlandi. BBC greinir frá.

Stærsta hlutfall þeirra sem missir vinnuna munu verða starfsmenn á skrifstofum félagsins, en að sögn JLR er það gert til að einfalda skipurit félagsins. Á síðasta ári dróg bílaframleiðandinn einnig úr umsvifum sínum þegar 1.500 manns var sagt upp störfum.

JLR hefur þurft að takast á við fjölda áskoranna sem hafa þyngt róður félagsins, má þar helst nefna fallandi eftirspurn eftir dísel bílum og minnkandi sölu í Kína. Auk þess hefur fyrirtækið kvartað vegna óvissu í rekstrarumhverfi félagsins, sem sé tilkomin vegna Brexit. 

Stikkorð: Land Rover Jaguar