*

mánudagur, 19. nóvember 2018
Fólk 26. apríl 2017 15:07

Jens Garðar nýr varaformaður SA

Jens Garðar Helgason, formaður Samtaka fyrirtækja í sjávarútvegi, var í dag kjörinn varaformaður Samtaka atvinnulífsins.

Ritstjórn
Gígja Dögg Einarsdóttir

Á fyrsta fundi nýrrar stjórnar Samtaka atvinnulífsins sem fram fór í dag var Jens Garðar Helgason kjörinn varaformaður SA fyrir starfsárið 2017-2018, að því er fram kemur í fréttatilkynningu.

Jens Garðar er formaður Samtaka fyrirtækja í sjávarútvegi (SFS) og framkvæmdastjóri Fiskimiða. Jens Garðar hefur átt sæti í framkvæmdastjórn SA frá árinu 2015.

Jens Garðar tekur við af Guðrúnu Hafsteinsdóttur sem verið hefur varaformaður SA frá 2015. Í dag var ný framkvæmdastjórn Samtaka atvinnulífsins einnig kosin fyrir starfsárið 2017-2018. 

Árni Sigurjónsson, Heiðrún Lind Marteinsdóttir og Lilja Björk Einarsdóttir koma ný inn í framkvæmdastjórnina.