*

laugardagur, 25. maí 2019
Innlent 13. nóvember 2018 12:40

Kaffi Rosenberg gjaldþrota

Lýstar kröfur í þrotabú staðarins námu um 43 milljónum króna, en engar eignir fundust í búinu.

Ritstjórn
Héraðsdómur Reykjavíkur við Austurstræti.
Haraldur Guðjónsson

Veitinga- og skemmtistaðurinn Kaffi Rosenberg hefur nú verið tekinn til gjaldþrotaskipta en lýstar kröfur í þrotabú staðarins námu um 43 milljónum króna. Þetta kemur fram í Lögbirtingablaðinu. 

Engar eignir fundust í búinu og var skiptum í því lokið 28. júní 2018 samkvæmt 155. gr. laga nr. 21/1991 án þess að greiðsla fengist upp í lýstar kröfur, auk áfallinna vaxta og kostnaðar eftir úrskurðardag gjaldþrotaskipta.

Viðskiptablaðið greindi frá því í apríl síðastliðnum að fyrirtækið hefði verið tekið til gjaldþrotaskipta. 

Í október á síðasta ári tóku nýir eigendur við rekstri staðarins þegar Ólafur Örn Ólafsson og Kári Sturluson, seldu hann eftir fimm mánaða rekstur. Á þeim tíma vildu Ólafur Örn og Kári ekki greina frá því hver hefði keypt staðinn. Að því er Viðskiptablaðið kemst næst voru það tveir lífeyrissjóðir sem óskuðu eftir gjaldþrotaskiptunum.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim