*

laugardagur, 22. september 2018
Innlent 6. september 2018 19:00

Kara Connect íslenskur sproti ársins

Fjarþjónustufyrirtækið Kara Connect var valið sproti ársins í Nordic Startup Awards á Íslandi, og Oliver Luckett vann í vali fólksins.

Ritstjórn
Þorbjörg Helga Vigfúsdóttir, er framkvæmdastjóri Köru Connect.
Haraldur Guðjónsson

Íslensku verðlaunin í frumkvöðlakeppninni Nordic Starup Awards voru veitt í Ægisgarði nú fyrir stuttu, en helstu úrslit voru þau að sproti ársins á Íslandi var kosinn Kara Connect, stofnandi ársins var Þorbjörg Helga Vigfúsdóttir, fjárfestir ársins var Crowberry Capital og í vali fólksins varð frumkvöðullinn Oliver Luckett hlutskarpastur.

Kosið var um sigurvegara á netinu, en verðlaununum er ætlað að efla tengsl norrænu sprotasenunnar sem og að verðlauna þá sprota, fjárfesta og stuðningsaðila sem skarað hafa fram úr á árinu. Keppt er í fjórtán flokkum í hverju landi fyrir sig.

Úrslitin í heild sinni voru eftirfarandi, en þar sem verðlaunin eru alþjóðleg eru flokkatitlar á ensku:

  • Ecosystem Hero of the year - Brandur Karlsson
  • Best FinTech Startup - Payday
  • Startup of the Year - Kara Connect
  • Best Corowking Space - Hús Sjávarklasans
  • Investor of the Year - Crowberry Capital
  • Best Bootstrapped Startup - Genki Instruments
  • Best AI/Machine Learning Startup - Activity Stream
  • Best FoodTech/AgriTech Startup - Jurt Hydroponics
  • Founder of the Year - Þorbjörg Helga Vigfúsdóttir
  • Best Newcomer - PayAnalytics
  • Best Accelerator or Incubator - Startup Reykjavík
  • Best HealthTech Startup - Kara Connect
  • Best Social Impact Startup - PayAnalytics
  • Peoples' Choice Awards - Oliver Luckett

Úrslitakvöld Nordic Startup Awards fer fram í Kaupmannahöfn þann 30. október 2018.