*

mánudagur, 22. apríl 2019
Innlent 30. apríl 2018 16:17

Kaupa Icelandic Iberica

Iceland Seafood hefur samið um kaup á Icelandic Iberica sem var m.a. í eigu Bjarna Ármannssonar.

Ritstjórn
Helgi Anton Eiríksson, forstjóri Iceland Seafood.
Haraldur Guðjónsson

Samkomulag hefur náðst um kaup Iceland Seafood á Solo Seafood ehf. sem er eigandi Icelandic Iberica á Spáni. Solo Seafood var í eigu Sjávarsýnar, félags Bjarna Ármannssonar fyrrverandi forstjóra Glitnis, FISK Seafood, Jakobs Valgeirs og Nesfisks að því er segir í tilkynningu frá Iceland Seafood til Kauphallarinnar. 

Í tilkynningunni segir að Icelandic Iberica sé leiðandi félag á í Suður-Evrópu með 120 milljónir evra í tekjur á ári og hagnað upp á 4 milljónir evra fyrir skatta. 

Með kaupunum hyggst félagið skapa burðugt lóðrétt samþætt félag á evrópskum sjávarafurðamarkaði. Sameinað félag mun þjónusta yfir 3.000 viðskiptavini í 45 löndum og starfrækja 9 vinnslustöðvar. 

Samtals mun samstæðan velta meira en 400 milljónum evra og skila 10 milljónum evra í hagnað fyrir skatta að því er kemur fram í tilkynningunni.  Auk þess segir að samstæðan muni ráða yfir 10% af íslenskum kvóta og reka 8 vinnslustöðvar á Íslandi.

Greitt verður fyrir Icelandic Iberica með hlutum í sameinuðu félagi en gefnir verða út 1.047 milljón hlutir í Iceland Seafood vegna kaupanna.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim