Landsbankinn hefur bætt nokkuð verulega við hlut sinn í leigufélaginu Heimavöllum en í flöggun bankans til Kauphallar kemur fram að bankinn hafi aukið hlut sinn í félaginu úr 2,66% í 5,68%.

Fyrir átti Landsbankinn tæplega 299 milljónir hluta í Heimavöllum en eftir ofangreind viðskipti, sem fóru fram í gær, á bankinn nú tæplega 639 milljónir hluta. Miðað við gengi hlutabréfa Heimavalla í gær greiddi bankinn því um 425 milljónir króna fyrir ofangreind viðskipti.