Kínverska flug- og skipafyrirtækið HNA Group hefur fest kaup á 25% hlut í hótelkeðjunni Hilton Worldwide Holdings frá Blackstone Group LP fyrir 6,5 milljarða eða því sem jafngildir 747 milljörðum íslenskra króna. Þetta kemur fram í frétt fréttaveitunnar Reuters um málið.
HNA kaupir eignarhlutinn í Hilton á 26,25 dollara á hvern hlut. Eignarhlutur Blackstone í Hilton verður færður niður um 21% eftir að viðskiptin ganga í gegn á fyrsta ársfjórðungi árið 2017.
