*

mánudagur, 18. febrúar 2019
Innlent 22. janúar 2019 09:41

Kvika fær auknar heimildir í Bretlandi

Dótturfélag Kviku hefur fengið starfsleyfi sem rekstraraðili sérhæfðra sjóða í Bretlandi.

Ritstjórn
Haraldur Guðjónsson

Breska fjármálaeftirlitið hefur veitt dótturfélagi Kviku banka hf., Kviku Securities Ltd., starfsleyfi sem rekstraraðili sérhæfðra sjóða. Þetta kemur fram í tilkynningu frá bankanum.

Starfsleyfið er sagt veita Kviku færi á að veita viðskiptavinum sínum, jafnt innlendum sem erlendum, víðtækari fjármálaþjónustu en áður, sem tekur nú til sjóðastýringar sérhæfðra sjóða auk almennrar fjármálaráðgjafar í Bretlandi.

„Uppbygging starfsemi Kviku í Bretlandi gengur vel og verkefnastaðan hefur verið að styrkjast jafnt og þétt. Við erum því mjög ánægð að fá auknar starfsheimildir sem bætir stöðu okkar til að halda áfram að bjóða viðskiptavinum Kviku upp á áhugaverða fjárfestingakosti í Bretlandi á komandi misserum.“ Er haft eftir Gunnari Sigurðssyni, framkvæmdastjóra Kviku í Bretlandi.

Stikkorð: Gunnar Sigurðsson Kvika