*

fimmtudagur, 25. apríl 2019
Erlent 12. júlí 2016 15:26

Lækkun pundsins ýtir undir hagvöxt

Mark Carney, bankastjóri Englandsbanka, segir lækkun pundsins muni minnka viðskiptahallann og ýta undir hagvöxt.

Ritstjórn

Mark Carney, bankastjóri Englandsbanka, sagði fyrir vitnaleiðslum í breska þinginu að lækkun breska pundsins muni lækka viðskiptahalla breska ríkisins og geti ýtt undir hagvöxt sem muni hjálpa landinu þegar það semur núna við stærstu viðskiptalönd sín upp á nýtt.

„Gengið mun hjálpa við þessar aðstæður,“ sagði Carney og að „gengislækkunin getur hjálpað við aðlögunina.“

Aukinn útflutningur í kjölfar lækkunar pundsins

Pundið er enn 11% lægra virði heldur en það var fyrir þjóðaratkvæðagreiðsluna 23. júní, þrátt fyrir að hafa endurheimt hluta af lækkunina þegar ljóst var að Theresa May myndi taka við sem forsætisráðherra.

Í máli seðlabankastjórans kom fram að ef gjaldmiðillinn héldist áfram í þessu lága gengi myndi það hjálpa til við að lækka viðskiptahallann um nálega þriðjung, með auknum útflutningi.

Sterkt og sveigjanlegt hagkerfi

„Það verður hagvöxtur í þessu hagkerfi, það er engin spurning,“ sagði bankastjórinn því hagkerfið væri mjög sveigjanlegt og sterkt.

Peningastefnunefnd bankans heldur fund á fimmtudaginn þar sem fjárfestar vænta þess að stýrivextir verði lækkaðir enn frekar.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim