Eftir tveggja ára samningaviðræður hafa eigendur brasílíska flugfélagsins Tam ákveðið að þeir séu tilbúnir að selja félagið til eigenda Lan flugfélagsins, sem er frá Chile.

Saman munu félögin tvö verða að einu félagi, Latam, sem verður næst stærsta flugfélag í heimi, að markaðsvirði, en kínverska félagið Air China trónir á toppnum sem stærsta flugfélagið.

Samtals verða félögin tvö undir hatti Latam með flugflota upp á 241 þotu, með 198 þotur í pöntun. 40 þúsund manns munu starfa hjá hinu nýja félagi.