*

laugardagur, 20. apríl 2019
Innlent 11. febrúar 2019 10:22

Landsréttur vísar frá máli gegn Arnarlaxi

Landsréttur hefur vísað frá kröfum fyrirtækjanna Akurholts og Geiteyrar, sem eru veiðiréttarhafar í Haffjarðará, á hendur Arnarlaxi.

Ritstjórn
Haraldur Guðjónsson

Landsréttur hefur með úrskurði 8. febrúar staðfest niðurstöðu Héraðsdóms Reykjavíkur og vísað frá kröfum fyrirtækjanna Akurholts og Geiteyrar, sem eru veiðiréttarhafar í Haffjarðará, á hendur Arnarlaxi - stærsta fiskeldisfyrirtækisins hér á landi, Matvælastofnun og Umhverfisstofnun. Arnarlax greinir frá þessu í fréttatilkynningu.

Veiðiréttarhafarnir höfðu krafist þess að starfs- og rekstrarleyfi Arnarlax í Arnarfirði yrðu ógilt. Landsréttur staðfesti niðurstöðu Héraðsdóms Reykjavíkur og vísaði kröfunum frá. „Niðurstaða Landsréttar er endanleg niðurstaða dómstóla,“ segir Kristín Edwald, hæstaréttarlögmaður og einn af eigendum LEX lögmannsstofu, sem flutti málið fyrir hönd Arnarlax.

„Niðurstaðan byggir á því að veiðiréttarhafarnir, sem kröfðust ógildingar leyfa Arnarlax í Arnarfirði, hefðu ekki lögvarða hagsmuni af að fá dóm umkröfur sínar,“ segir Kristín.

„Til viðbótar því að hafa þurft að greiða sinn eigin lögmannskostnað þurfa veiðiréttarhafarnir einnig að greiða málskostnað Arnarlax, Matvælastofnunar og Umhverfisstofnunar, bæði fyrir héraðsdómi og Landsrétti,“ segir Kristín.

„Niðurstaða íslenskra dómstóla er því sú að veiðiréttarhafarnir hafi ekki orðið fyrir tjóni af starfsemi Arnarlax og að þeir hafi ekki sýnt fram á að starfsemin skapaði hagsmunum þeirra sérstaka hættu,“ segir Kristín Edwald.

Í tilkynningunni segir að Arnarlax hafi frá árinu 2009 farið í gegnum ítarlegar leyfisveitingar sem hafi m.a. farið í gegnum hefðbundið ferli hjá Skipulagsstofnun, Matvælastofnun og Umhverfisstofnun þar sem sömu eða sambærilegir hagsmunaaðilar hafa komið á framfæri sínum sjónarmiðum og látið reyna á gildi leyfisveitinganna m.a. fyrir úrskurðarnefndum.

Stikkorð: Arnarlax fiskeldi Landsréttur
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim