*

fimmtudagur, 18. apríl 2019
Erlent 3. mars 2011 16:43

Lego hagnast vegna Harry Potters

Hagnaður leikfangaframleiðandans Lego jókst um 63% á síðasta ári. Leikföng tengd Harry Potter nutu mikilla vinsælda.

Ritstjórn
None

Hagnaður danska leikfangaframleiðandans Lego á síðasta ári jókst um 63% frá fyrra ári. Hagnaðurinn nam 563 milljónum punda, jafnvirði um 106 milljarða króna. Sala jókst frá fyrra ári um 32% og segir framleiðandinn að hann sé nú fjórði stærsti leikfangaframleiðandi heims. Markaðshlutdeild dönsku kubbana á leikfangamarkaði er 5,9%.

Lego getur að stórum hluta þakkað Harry Potter fyrir bættan rekstur félagsins. Leikföng tengd honum seldust afar vel um síðustu jól. Þá segir í tilkynningu um afkomu félagsins, og greint er frá á vef Guardian, að aðrar línur hafi einnig haldið sínu striki.

Legókubbar hafa notið aukinna vinsælda síðustu ár eftir að hafa lent undir í upphafi áratugarins. Rifjað er upp í frétt Guardian að árið 2004 tilkynnti félagið um mikið tap af rekstrinum. Þá þótti tvísýnt um framtíð Lego og talið að fjölskylda stofnandans, sem hefur átt félagið frá upphafi, þyrfti að selja félagið.

Stikkorð: lego
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim