*

þriðjudagur, 25. september 2018
Innlent 31. ágúst 2018 08:45

Leiga á atvinnuhúsnæði hefur hækkað um 45%

Leiguverð atvinnuhúsnæðis hefur hækkað um 45% á fimm árum. Áætluð meðalleiga á hvern fermetra hækkaði um 8% á ári.

Ritstjórn
Haraldur Guðjónsson

Leiguverð atvinnuhúsnæðis hefur hækkað um 45% á fimm árum. Þetta kemur fram í Hagsjá Landsbankans. Á sama tímabili eða milli áranna 2012-2017 hækkaði leiguverð íbúðarhúsnæðis um 47%, verðbólgan á tímabilinu var um 13%. Að jafnaði nam hækkun á áætlaðri meðalleigu á hvern fermetra um 8% á ári. 

Greinendur Hagfræðideildarinnar skoðuðu ársreikninga þriggja stærstu leigufélaganna, hjá Eik Reitum og Reginn. Samkvæmt greiningunni hækkaði leiguverð húsnæðis umtalsvert milli áranna 2016 og 2017.

Ef áætlað meðalverð á leigu er sundurliðað eftir atvinnurekstri kemur í ljós að leiga á hótelrýmum er hæst hjá öllum félögunum en lægst er meðalleigan á geymslu- og iðnaðarhúsnæði. 

Í heildina hefur áætluð meðalleiga hækkað mest hjá Regin en minnst hjá Reitum. 

Stikkorð: Landsbankinn Hagsjá