Meðal félaga í Bandalagi háskólamanna voru leikarar Þjóðleikhússins bæði með lægstu heildar- og dagvinnulaun. Ljósmæður voru hins vegar með hæstu meðal heildarlaunin á mánuði, eða tæplega 700 þúsund krónur. Þessu greinir RÚV frá. En, nokkur þúsund félagsmanna BHM mættu á Lækjartorg í dag til að vekja athygli á kröfum sínum
Megin krafa BHM er að menntun sé metin til launa, en lægstu taxtalaun eru nú um 270 þúsund krónur. Heyrst hefur krafa um að lágmarkslaun verði 400 þúsund krónur. Um 3 prósent félagsmanna BHM eru með dagvinnulaun undir 300 þúsund krónum, tæp 16 prósent með dagvinnulaun á bilinu 300 til 400 þúsund krónur, hlutfallslega lang flestir, eða um 44 prósent með fjögur til fimmhundruð þúsund. Um fjórðungur er með laun á bilinu 500 til 600 þúsund, en aðeins 0,35 prósent með dagvinnulaun yfir 800 þúsundum.
Háskólamenn á almenna vinnumarkaðinum eru með 30 prósenta hærri laun en ríkisháskólamenn. En laun lækna, framhaldskólakennara og flugmanna hafa einmitt hækkað um þá prósentu. Leikarar í Leikarafélag Íslands eða leikarar hjá Þjóðleikhúsinu eru með lægstu launin miðað við árið í fyrra. Meðaheildarlaun þeirra voru 434 þúsund og davinnulaunin 368 þúsund. Stéttarfélag lögfæðinga er með hæstu dagvinnulaunin eða 519 þúsund.
