*

mánudagur, 24. september 2018
Fólk 28. september 2015 18:17

„Leitum stöðugt nýrra leiða“

Á PIPAR/TBWA hefur verið starfrækt samfélagsmiðladeild frá árinu 2011.

Ásta Andrésdóttir
Haraldur Guðjónsson

Umhverfi auglýsinga hefur tekið miklum breytingum undanfarið og því ekki hlaupið að því fyrir fyrirtæki að skilgreina hentugustu tækifærin til markaðssetningar. Kristín Elfa Ragnarsdóttir stýrir nýrri deild hjá PIPAR/TBWA sem kallast Digital Arts Network og sérhæfir sig í alhliða stafrænni markaðssetningu. 

„Engin herferð er í rauninni hönnuð til að vera stafræn heldur snýst þetta alltaf um að fá góða hugmynd og koma henni í þann farveg sem hentar best hverju sinni,“ segir Kristín Elfa. Allt frá því að stofan stofnaði fyrstu samfélagsmiðladeildina á Íslandi árið 2011 hefur hún verið í fararbroddi á sviði stafrænnar markaðssetningar. 

Kristín Elfa bendir meðal annars á að nú á dögum verði auglýsendur að útbúa mismunandi efni út frá viðkomandi miðli. „Skilaboð geta ekki hljómað eins á Facebook og í dagblaðaauglýsingu. Þetta snýst allt um að úthugsa fókusinn; sérsníða skilaboðin að hverjum miðli og nýta eiginleika hans.“

Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð.