Meirihlutinn heldur og það er gott,“ segir Líf Magneudóttir, oddviti VG í borgarstjórn. „Það yrðu vissulega vonbrigði ef þetta verður niðurstaðan. Þá væru kjósendur að hafna félagslegum áherslum VG í þessum meirihluta sem er skrýtið. En ég glata aldrei bjartsýninni og voninni,“ segir Líf.
„Samfylkingin mælist sterk með borgarstjórann og Dagur hefur verið í forsvari fyrir þennan meirihluta sem við erum hluti af. Við í VG höfum tryggt að allur viðsnúningur fari í menntakerfið, að framfærsla í fjárhagsaðstoð var hækkuð og það erum við sem erum að hugsa um börn með lægri leikskólagjöldum. VG hafa sett þessi mál á dagskrá í meirihlutanum.“
Aðspurð svarar hún því játandi að VG hafi að sumu leyti fallið í skuggann á samstarfsflokknum. „Við höfum verið lúsiðin á þessu kjörtímabili og mótað þá stefnu sem er tekin með samstarfsflokkunum og alltaf með mikinn fókus á þá sem standa verst í Reykjavík."
