*

laugardagur, 25. maí 2019
Fólk 16. maí 2019 11:13

Lilja Katrín ráðin ritstjóri DV

Lilja Katrín Gunnarsdóttir hefur verið ráðin ritstjóri Frjálsrar fjölmiðlunar ehf.

Ritstjórn

Lilja Katrín Gunnarsdóttir hefur verið ráðin ritstjóri Frjálsrar fjölmiðlunar ehf. Félagið á og rekur meðal annars DV og dv.is. Lilja verður annar tveggja ritstjóra sem ráðinn verður.

Ferill Lilju í fjölmiðlum spannar undanfarin fimmtán ár. Hann hófst á Fréttablaðinu en síðan þá hefur hún meðal annars verið ritstjóri Séð og Heyrt, umsjónarmaður innblaðs Fréttablaðsins og Lífsins á Vísi og vefstjóri Mannlífs.

Þá hefur hún einnig unnið sem dagskrármaður í Íslandi í dag og kynningarstjóri Sagafilm. Að auki hefur hún leikið í sjónvarpi, skrifað handrit, talsett auglýsing og samið einleik en Lilja er með BA-gráðu í leiklist fyrir sjónvarp og kvikmyndir.

„Það er mikill fengur fyrir félagið að fá Lilju Katrínu í ritstjórastólinn,“ er haft eftir Karli Garðarssyni, framkvæmdastjóra Frjálsrar fjölmiðlunar, í tilkynningu. Bæði sé hún reynslumikil í fjölmiðlum og hafi skýra sýn á hvert skuli stefna með miðla félagsins.„Við bjóðum hana velkomna til starfa, en framundan eru spennandi tímar hjá félaginu,“ segir Karl.

Lilja tekur við starfinu af Kristjóni Kormáki Guðjónssyni sem færði sig úr ritstjórastól DV yfir til Hringbraut í upphafi apríl.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim