Greint var frá því um helgina að ljósmæður aflýstu verkfalli í kjölfar þess að Ríkissáttarsemjari lagði fram miðlunartillögu. Fram kemur á heimasíðu Ríkissáttarsemjara að ljósmæður hafi nú samþykkt þá miðlunartillögu.

Atkvæðagreiðslu um miðlunartillögu ríkissáttasemjara í máli Ljósmæðarafélags Íslands og Fjármála- og efnahagsráðherra fyrir hönd ríkissjóðs er lokið.

Miðlunartillagan var samþykkt í atkvæðagreiðslu ljósmæðrafélagsins með 95,1% atkvæða. 247 voru á kjörskrá og greiddu 224 atkvæði, eða 91%.

Þá samþykkti Fjármála- og efnahagsráðherra miðlunartillöguna. Nýr kjarasamningur aðila hefur því komist á og mun hann gilda til 31. mars 2019.