Rita Walters, farþegi með Wow air í gær, greinir frá því á Twitter síðu sinni að lögreglumenn hafi farið inn í flugvél flugfélagsins í Baltimore í Bandaríkjunum við lendingu, eftir að farþegar yfirgáfu vélina.

Leigusalar flugvéla Wow air kyrrsettu vélina í nótt vegna vanskila Wow air. Vélin sem lenti í Baltimore í gær var Airbus A321 undir nafninu TF-DTR og var leigð af Air Lease Corporation. Það félag leigði Wow air sjö af ellefu flugvélum félagsins.

Rita birti einnig mynd af Wow air vélinni TF-CAT í Keflavík eftir að hafa millilent þar.