*

mánudagur, 22. apríl 2019
Erlent 27. desember 2017 16:12

Lögsóknum rignir yfir Apple

Að minnsta kosti átta lögsóknir hafa verið lagðar fram gegn Apple eftir að það viðurkenndi að hafa hægt á iPhone símum.

Ritstjórn
Tim Cook, forstjóri Apple.
epa

Lögsóknum rignir nú yfir Apple eftir að fyrirtækið viðurkenndi að hægja vísvitandi á iPhone símum vegna þess að rafhlöður þeirra gátu ekki veitt nægu rafmagni þegar þær eltust, kólnuðu eða lítið rafmagn var inn á þeim. 

Notendur símanna hafa verið afar óánægðir með fyrirtækið en að minnsta kosti átta lögsóknir hafa verið sendar inn til alríkisdómstóla í Bandaríkjunum frá því að Apple viðurkenndi að hægja á símunum. Einnig er vitað til þess að svipuð lögsókn hafi verið lögð fram í Ísrael. 

Í lögsóknunum er farið fram á að þær verði flokkaðar sem hópmálsóknir þannig að fleiri iPhone notendur, sem gætu hlaupið á milljónum, geti kært sig inn í þær.

Margir notendur símanna telja að hefðu þeir vitað af gallanum í rafhlöðunum hefðu þeir frekar keypt nýja rafhlöðu í stað þess að fjárfesta í nýrri og dýrari gerð af iPhone og þannig sparað sér töluverða fjármuni.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim