LS Retail, sem þróar hugbúnað fyrir fyrirtæki í verslunar- og veitingarekstri, tapaði 1,1 milljón evra (128,6 milljónum króna) á síðasta ári. Árið áður hagnaðist félagið um tæplega 2 milljónir evra. Þetta kemur fram í ársreikningi félagsins.
Rekstrartekjur LS Retail námu 48,4 milljónum og jukust um 3,2% milli ára, á meðan rekstrarkostnaður nam 48,8 milljónum og jókst um tæp 11%.
Eignir námu 22,6 milljónum evra og var eiginfjárhlutfall 47%.
Framkvæmdastjóri LS Retail er Magnús Norðdahl.
