BHM lýsir þungum áhyggjum af stöðu kjaraviðræðna sautján aðildarfélaga bandalagsins við ríkið. Samningar félaganna hafa verið lausir í fjóra mánuði eða allt frá því að gildistími gerðardóms frá árinu 2015 rann út í lok ágúst. Lítið hefur þó miðað í viðræðunum og eitt félag, Félag íslenskra náttúrufræðinga (FÍN), hefur vísað kjaradeilu sinni við ríkið til ríkissáttasemjara að því er kemur fram í fréttatilkynningu BHM. Tilefni þess að BHM sendir frá sér tilkynninguna er að stjórnvöld og aðilar vinnumarkaðarins funda nú í dag.

BHM telur að menntun skuli metin til launa en að launasetning félagsmanna sé óeðlilega lág og í engu samræmi við menntun þeirra, reynslu og ábyrgð. Einnig þurfi að bæta starfsumhverfi á mörgum stofnunum sem sé víða mjög ábótavant.

p.p1 {margin: 0.0px 0.0px 0.0px 0.0px; font: 11.0px Helvetica; -webkit-text-stroke: #000000} span.s1 {font-kerning: none}

„Loks áréttar BHM að innan bandalagsins eru fjölmennir hópar kvenna sem hafa mjög lág laun miðað við menntunarstig. Hér er meðal annars átt fagstéttir sem starfa í heilbrigðis- og menntageiranum. Verðmæti þeirrar menntunar sem þessar stéttir hafa aflað sér endurspeglast alls ekki í launasetningu þeirra. Brýnt er að endurmeta laun þessara sérfræðinga og taka tillit til þeirrar menntunar sem þeir hafa aflað sér,“ segir í ályktuninni.

p.p1 {margin: 0.0px 0.0px 0.0px 0.0px; font: 11.0px Helvetica; -webkit-text-stroke: #000000} span.s1 {font-kerning: none} p.p1 {margin: 0.0px 0.0px 0.0px 0.0px; font: 11.0px Helvetica; -webkit-text-stroke: #000000} span.s1 {font-kerning: none}