*

föstudagur, 26. apríl 2019
Erlent 19. september 2014 11:33

Halda áfram að kalla spjaldtölvurnar iPad-a

Apple græðir á samningi Microsoft við NFL-deildina í amerískum fótbolta.

Ritstjórn
None

Microsoft gerði samning til fimm ára við NFL-deildina í amerískum fótbolta um að spjaldtölvur fyrirtækisins yrðu notaðar á hliðarlínunni af leikmönnum og þjálfurum í deildarkeppninni, en fyrirtækið borgaði NFL 400 milljónir bandaríkjadala fyrir samninginn.

Eins og VB.is hefur áður greint frá lenti Microsoft hins vegar í vandræðum í fyrstu leikviku deildarinnar þegar sjónvarpslýsendur kölluðu spjaldtölvurnar í sífellu iPads, sem eru spjaldtölvur frá Apple sem er einmitt helsti samkeppnisaðili Microsoft.

Microsoft ætlaði að leiðrétta misskilninginn og tryggja að þetta endurtæki sig ekki. Það hefur hins vegar ekki gengið vel því LA Times greinir frá því að sjónvarpslýsendur hafi ekki enn látið af villunni - Microsoft til mikils ama. Líklega hlakkar þó í Apple-mönnum sem hafa ekki þurft að leggja út krónu fyrir þessa miklu auglýsingu.

Stikkorð: NFL Microsoft Apple
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim