*

laugardagur, 17. nóvember 2018
Fólk 22. ágúst 2016 10:22

Mannabreytingar hjá TM

Kjartan Vilhjámsson hdl. gegnir nú stöðu framkvæmdarstjóra einstaklingsráðgjafar og markaðsmála TM. Björk Viðarsdóttir tekur við starfi framkvæmdarstjóra tjónaþjónustu.

Ritstjórn
Haraldur Guðjónsson

TM hefur ráðið Kjartan Vilhjámsson hdl., sem framkvæmdarstjóra einstaklingsráðgjafar og markaðsmála. Ragnheiður Agnarsdóttir, fráfarandi framkvæmdarstjóri sviðsins, hættir hjá TM frá og með 1. september og tekur þá Kjartan við.

Kjartan er 39 ára lögfræðingur frá lagadeild Háskóla Íslands. Hann hlaut málflutningsréttindi 2006. Kjartan hefur starfað hjá TM frá 2005.

Kjartan hefur áður verið framkvæmdarstjóri tjónaþjónustu TM frá 2008. Hann er kvæntur Hrafnhildi Maríu Gunnarsdóttur, aðstoðasaksóknara og eiga þau þrjú börn.

Við stöðu Kjartans tekur Björk Viðarsdóttir hdl.. lögfræðingur frá Háskóla Íslands, fædd 1978. Björk sem hlaut málflutningspróf fyrir héraðsdómi 2009, hefur m.a starfað hjá Útlendingastofnun á árunum 2005-2007, bæði sem lögfræðingur og forstöðumaður.

Björk hefur starfað hjá TM frá 2008. Hún er gift Þorsteini Tandra Helgasyni, framkvæmdastjóra Múrfells ehf. og eiga þau þrjú börn.