*

mánudagur, 27. maí 2019
Innlent 13. nóvember 2018 15:14

Máttu ekki auglýsa áfengi

365 miðlar máttu ekki auglýsa áfengi í tímaritinu Glamour þó svo það hafi verið gefið út af erlendu dótturfélagi.

Ritstjórn
Haraldur Guðjónsson

Fyrirtækinu 365 var ekki heimilt að auglýsa áfengi í tímaritinu Glamour þó svo það hafi verið gefið út af erlendu dótturfélagi. Þetta kemur fram í dómi Héraðsdóms

Fyrirtækið 365 miðlar höfðaði mál gegn fjölmiðlanefnd sökum þess að þeim var gert að greiða 1 milljón króna í stjórnvaldssekt fyrir að hafa auglýst áfengi í tímaritum Glamour og hafi þar með brotið gegn lögum um fjölmiðla. 

„Stefnandi [365] byggir fyrst og fremst á því að stefndi hafi farið út fyrir valdmörk sín með umræddri ákvörðun. Þar sem stefnandi sé ekki útgefandi tímaritsins heldur annað félag með staðfestu í Bretlandi geti ekki staðist að hann sæti ábyrgð vegna auglýsinga í tímaritinu, enda falli fjölmiðillinn utan gildissviðs 3. gr. laganna. Útgefandi tímaritsins, 365 Media Europe Limited, sé með aðalskrifstofu sína í London og hafi stjórnarformaður félagsins, Nadia Ingerslew Ingwar, jafnframt búsetu í Bretlandi," segir í dómnum.

Í niðurstöðu dómsins var ekki fallist á kröfu stefnanda og 365 því gert að greiða sektina.

„Að mati dómsins eiga sömu röksemdir við í máli þessu, enda er bann við áfengisauglýsingum í 4. mgr. 37. gr. laga nr. 38/2011 byggt á sams konar sjónarmiðum og tekur bannið og heimild til álagningar stjórnvaldssekta til allra sem eins er ástatt um. Verður því ekki fallist á að ákvörðun stefnda hafi brotið gegn jafnræðisreglunni eða reglum EES-réttar. Samkvæmt öllu framangreindu er ekki fallist á þær röksemdir sem stefnandi styður kröfu um ógildingu hinnar umdeildu ákvörðunar við. Verður stefndi því sýknaður af kröfu stefnanda."

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim