*

sunnudagur, 26. maí 2019
Innlent 12. nóvember 2018 12:44

McDonald's ekki á leið til Íslands

Ekki er útlit fyrir það að McDonald's muni snúa aftur til Íslands í náinni framtíð að sögn talsmanns fyrirtækisins.

Ritstjórn
Haraldur Guðjónsson

Að sögn talsmanns McDonald's í Bretlandi er ekkert til í þeim fréttum að hamborgararisinn hyggist opni útibú hér á landi. Vísir greinir frá þessu.

Eins og Viðskiptablaðið greindi frá í gær þá vildi New York Post meina að McDonald's ætlaði sér að snúa aftur til Íslands, en síðasta stað keðjunnar var lokað árið 2009. Í grein bandaríska miðilsins var farið yfir að uppgangur í ferðaþjónustu hafi opnað Ísland fyrir fjárfestum. Þessar fréttir reyndust rangar eins og áður segir.

Í svörum McDonald's við fyrirspurn Vísis kemur fram að Íslendingar þurfi að bíða eitthvað lengur eftir því að gylltu bogarnir skjóti upp kollinum hér á landi. Hamborgararisinn hafi alls engin áform um að opna útibú á Íslandi í nánustu framtíð.

„Hjá McDonalds metum við og greinum þær viðskiptalegu- og efnahagslegu forsendur sem eru til staðar við mat á því hvort opna eigi veitingastað á nýju markaðssvæði. Á þessari stundu höfum við engin áform um að opna veitingastað á Íslandi,“ hefur Vísir eftir talsmanni McDonald's í yfirlýsingu frá fyrirtækinu. 

Stikkorð: Ísland Mc Donald's
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim