*

fimmtudagur, 18. október 2018
Innlent 8. maí 2014 09:19

Meðalheildarlaun 526 þúsund krónur

Algengast er að heildarlaun séu á bilinu 400-450 þúsund krónur.

Ritstjórn
Haraldur Jónasson

Regluleg mánaðarlaun fullvinnandi launamanna á íslenskum vinnumarkaði voru 436 þúsund krónur að meðaltali í fyrra. Þetta kemur fram í tölum Hagstofunnar.

Algengast var að regluleg laun væru á bilinu 250-300 þúsund krónur og voru ríflega 17% launamanna með regluleg laun á því bili. Þá voru rúmlega 75% launamanna með regluleg laun undir 500 þúsund krónum á mánuði. Regluleg laun karla voru 475 þúsund krónur að meðaltali og regluleg laun kvenna 393 þúsund krónur.

Heildarlaun fullvinnandi launamanna voru 526 þúsund krónur að meðaltali á mánuði í fyrra. Algengast var að heildarlaun væru á bilinu 400-450 þúsund og voru tæplega 14% launamanna með laun á því bili. Þá voru tæplega 60% með heildarlaun undir 500 þúsund krónum á mánuði. Heildarlaun karla voru 591 þúsund krónur að meðaltali og heildarlaun kvenna 457 þúsund krónur.

Stikkorð: Kringlan