Mælikvarði Goldman Sachs á áhættusmekk fjárfesta sýnir að ekki hefur verið meiri áhættusækni á mörkuðum vestanhafs síðan árið 1991. Samkvæmt þeim mælikvarða er áhættusmekkur neytenda meiri en hann var í aðdraganda fjármálakreppunnar árið 2008.

Fjárfestar virðast vera uppfullir bjartsýni en verð á hlutabréfum og bandarískum ríkisskuldabréfum er í hæstu hæðum. Goldman telur að hlutabréf séu yfirvigtuð en ríkisskuldabréf undirvigtuð á næstu 3-12 mánuðum í ljósi vaxtar og útlits fyrir aukið peningalegt aðhald á heimsvísu.