Greiningaraðilar hafa nú verið að uppfæra spár sínar varðandi Apple. Samkvæmt TipRanks spáir einn greiningaraðili því að félagið nái 202 dölum á hlut. Félagið væri þar með metið á ríflega 1000 milljarða dala.

Mikil eftirvænting er eftir næsta iPhone síma Apple, sem mun marka tíu ára afmæli snjallsímans. Brian White heitir greiningaraðilinn, en hann starfar fyrir Drexel Hamilton í New York.

Apple hefur hækkað um ríflega 60% á síðustu 12 mánuðum og um 29% frá áramótum. Ef spár Brian White ganga eftir á félagið eftir að hækka um 35%.