Forsvarsmenn Kringlunnar og Smáralindar munu á næstu dögum hefja umtalsverðar framkvæmdir á rýmum sínum til að undirbúa komu H&M. Samkvæmt framkvæmdarstjóra Kringlunnar mun 1.000 fm verslunarrými myndast við hlið sænska risans sem ekki hefur verið tilkynnt um hver mun fylla.
Á komandi dögum munu hefjast að fullu umtalsverðar framkvæmdir á Smáralind og Kringlunni með það að markmiði að undirbúa svæðin fyrir komu sænska tískuvörurisans H&M. Í Kringlunni verður samhliða þeim framkvæmdum einnig ráðist í aðrar breytingar á sameign sem og á suðurhluta húsnæðisins sem koma m.a. til með að auka verslunarrými hússins.
Að sögn Sigurjóns Þórssonar, framkvæmdarstjóra Kringlunnar, mun jafnframt skapast 1.000 fermetra verslunarrými við hlið H&M en enn hefur ekki verið tilkynnt hvaða verslun kemur til með að fylla rýmið. Að sögn Sigurjóns veldur koma H&M því einnig að nauðsynlegt sé að ráðast breytingar á sameign Kringlunnar, fyrir utan verslunarrýmin sjálf.
„Það verður talsverð breyting á ásýnd þessara hæða, við munum ráðast í útlitslegar breytingar á norðurenda hússins þar sem Hagkaup er nú á báðum hæðum. Þarna verður H&M annars vegar í 2600 fm rými en þar við hliðin á verður svo 1000 fermetra verslunarrými sem enn hefur ekki verið tilkynnt um hvaða verslun mun fylla, en það er ljóst að hér í norðurendanum verða tvær stórverslanir.“
Nánar má lesa um málið í Viðskiptablaðinu sem kemur út á morgun. Áskrifendur geta nálgast blaðið undir Tölublöð , aðrir geta skráð sig í áskrift hér . Meðal annars efnis í blaðinu er:
- Farið er ofan í saumana á rekstrarafkomu Fjarskipta, móðurfélags Vodafone
- Rætt er um afstöðu atvinnurekenda til lögbindingu jafnlaunavottunar
- Fjallað er um nýfallinn úrskurð dómstóls í Bretlandi á hendur Kaupþingi
- Afstöðu almennings til mikilvægis erlendra fjárfestinga
- Endurkomu vinnuvéla til landsins
- Auknar tekjur Hvalasafnsins á Húsavík
- Samstarfsverkefni ferðaþjónustufyrirtækja í nýsköpun
- Stærstu fjárfestingarverkefni heims
- Möguleika aukinnar einkafjármögnunar í vegakerfinu
- Árni Oddur Þórðarson forstjóri Marel er í ítarlegu viðtali
- Yfirferð um Viðskiptaþing Viðskiptaráðs í síðustu viku
- Rýnt í veiðitölur á svæði Láxárfélagsins í Laxá í Aðaldal
- Sjálfstæða vöruþróun bænda í landbúnaði
- Suðurferð aðstandanda tónlistarhátíðarinnar Aldrei fór ég suður
- Huginn og Muninn eru á sínum stað auk Týs sem skrifar um Gunnar Smára Egilsson.
- Óðinn tekur fyrir flugfélög.