Ummæli Vigdísar Hauksdóttur, formanns fjárlaganefndar Alþingis og þingmanns Framsóknarflokksins, um Möltu um helgina hefur vakið athyli Möltu-búa. Vigdís sagði í þættinum Mín skoðun í gær Evrópusambandið væri á barmi hungursneyðar og hélt því sömuleiðis fram að Malta væri eins og Vestmannaeyjar, eyja sem nyti ekki sjálfstæðis.
Í netritinu Times of Malta er tekið fram að Vigdís hafi ekki vilja segja stjórn hvaða ríkis Malta eigi að lúta. Þá er bent á að fjölmiðlar hafi brugðist við röngum fullyrðingum Vigdísar með hraði og leiðrétt hana.
Skjáskot af frétt Times of Malta þar sem fjallað er um Vigdísi Hauksdóttur og ummæli hennar.
