Robert Mugabe hefur sagt af sér forsetaembættinu í Simbabve en hann sætti ákæru í þinginu þar sem þess var krafist að hann segði af sér. Áður hafði herinn sett hinn 93 ára gamla forseta í stofufangelsið og raunverulega tekið við stjórnartaumunum í landinu.
Þá hafði flokkur hans ZANU-PF einnig kosið hann úr leiðtogasætinu í flokknum um helgina. Sem leiðtoga valdi flokkurinn í kjölfarið Emmerson Mnangagwa, fyrrum varaforseta landsins.
Í þinghúsinu brutust út fagnaðarlæti þegar fregnir bárust af því að Mugabe hefði sagt af sér en hann hafði setið á forsetastóli frá árinu 1987.
