*

laugardagur, 22. september 2018
Erlent 18. nóvember 2015 18:37

Mun Apple kaupa Tesla?

Fjármálatímaritið Fortune veltir vöngum yfir því hvort tæknirisinn Apple gæti haft kaup á Tesla Motors á prjónunum.

Ritstjórn
Haraldur Guðjónsson

Fortune, fjármálatímaritið fræga, gefur árlega út spádóma fyrir komandi ár. Nú hefur tímaritið spáð því að tæknirisinn Apple muni kaupa rafbílaframleiðandann Tesla Motors.

Þessi spá er gerð í ljósi þess að Apple hefur lengi verið orðað við að vinna að þróun bifreiðar, og sumir segja félagið stefna á afhjúpanir í kringum 2019.

Auðvelt væri fyrir Apple að kaupa sig inn í Tesla Motors, hafandi gífurlegt reiðufé á höndum sér - einhverja 200 milljarða bandaríkjadala.

Apple myndi þá hafa aðgang að rafhlöðutækni og rafbílaþekkingu Tesla Motors, sem gæti flýtt fyrir þeirra eigin framleiðslu svo um munar. 

Einnig minnist Fortune á að Elon Musk, stofnandi og framkvæmdastjóri Tesla, væri kjörinn arftaki Steve Jobs, enda hugsjónamaður eins og Jobs heitinn.

Stikkorð: Apple Steve Jobs Tesla Fortune N Elon Musk