*

föstudagur, 24. maí 2019
Erlent 13. maí 2019 14:25

Munu farþegar vilja fljúga með 737 Max?

Boeing bíður ærið verkefni að endurheimta traust neytenda, vegna vandamála tengdum 737 Max farþegaþotum félagsins.

Ritstjórn
Boeing 737 MAX 8 vél Icelandair er á meðal fjölmargra flugvéla af þessari tegund sem nú eru kyrrsettar vegna öryggisgalla.
Haraldur Guðjónsson

Svo gæti farið að 737 Max faþegaþoturnar frá Boeing snúi aftur í háloftin í sumar, en eins og mikið hefur verið fjallað um þá voru þoturnar kyrrsettar í kjölfar tveggja mannskæðra slysa. Það mun hins vegar vera ærið verkefni fyrir Boeing að endurheimta traust neytenda og segir WSJ að um sé að ræða eina stærstu áskorun aðila innan fluggeirans í marga áratugi, hvað varðar málefni neytenda.

Viðbrögð Boeing við þessu máli hafa verið gagnrýnd þó nokkuð, þá aðallega vegna skorts á gagnsæi við meðferð málsins. Er þetta sagt hafa grafið undan trausti fólks til flugvélaframleiðandans.

Talað hefur verið um að kyrrsetningu 737 Max flugvélanna verði mögulega aflétt í næsta mánuði, en samkvæmt WSJ eru meiri líkur á að vélarnar verði aftur komnar í loftið í lok sumars.

Geislalæknirinn Lance White, sem flýgur mikið á ári hverju, segist ekki hafa neinn áhuga á að fljúga með 737 Max þotunum þegar þeim verður heimilt að fljúga á ný.

„Ég veit ekki hvort það sé nokkuð sem Boeing getur gert til þess að endurheimta traust mitt til þessara véla,“ segir hann. Þá segir hann að hann myndi vilja sjá 737 Max þoturnar fljúga í að minnsta kosti í fimm ár án þess að lenda í slysi, áður en hann myndi íhuga að ferðast með slíkri vél.

Stikkorð: Boeing Max 737
25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim