*

fimmtudagur, 18. apríl 2019
Innlent 26. október 2017 15:14

Myllusetur kaupir Frjálsa verslun

Frjáls verslun er nú komin í eigu Mylluseturs, sem einnig gefur út Viðskiptablaðið og Fiskifréttir.

Ritstjórn
Haraldur Guðjónsson


Útgáfufélagið Myllusetur ehf. hefur keypt viðskiptatímaritið Frjálsa verslun. Auk þess að gefa út tímarit hefur Frjáls verslun gefið út bók um 300 stærstu fyrirtæki landsins. Þessa dagana er unnið að þeirri útgáfu og mun bókin koma út í næsta mánuði. Framtíðarútgáfa Frjálsrar verslunar er í mótun enda tiltölulega stutt síðan Myllusetur gekk frá kaupunum.

Myllusetur gefur út Viðskiptablaðið og fjölda sérblaða sem því tengjast. Í Viðskiptablaðinu er lögð áhersla á fréttir úr viðskiptalífinu og umfjöllun um efnahags- og þjóðmál. Auk frétta eru í blaðinu fjölbreytt viðtöl, úttektir og pistlar. Undir merkjum Viðskiptablaðsins eru einnig gefin út tvö tímarit á hverju ári en það eru Áramót og Frumkvöðlar.

Myllusetur gefur einnig út Fiskifréttir, sem er sérblað um hafttengd málefni. Undir merkjum Fiskifrétta eru gefið út eitt veglegt tímarit á haustmánuðum. Þá kemur sérstakt Kvótablað út í upphafi hvers fiskveiðiárs og bókin Íslenska sjómannaalmanakið er gefin út í lok hvers árs. Auk þess að gefa út prentmiðla heldur Myllusetur úti vefmiðlunum  vb.is og fiskifréttir.is.

25 ára afmælistilboð VB!

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir út árið 2019. Innifalið í tilboðinu er:

  • - Viðskiptablaðið sent heim
  • - Vefaðgangur að vb.is
  • - Frjáls verslun sent heim
  • - Fiskifréttir sent heim